Şri-Lanka hökuməti VFS Global özəl şirkətinin xidmətlərindən imtina edən xarici turistlərə əvvəlki vizaların verilməsi sistemini bərpa edib.

“İki sahil” “Kommersant”a istinadla xəbər verir ki,  əcnəbilər VFS Global-in fəaliyyəti səbəbindən sənədlərin işlənməsi üçün əvvəlki prosedurun çətin olmasından şikayətlənirdilər.

Şri-Lankanın yeni seçilmiş prezidenti Anura Kumara Dissanayake sosial media hesabında yazıb: “Hökumət bu gün gecə yarısı qüvvəyə minən əvvəlki viza sistemini rəsmən bərpa edib.

Rusiya səfirliyinin mətbuat xidmətinin rəhbəri German Fedorov bildirib ki, Şri-Lanka hakimiyyəti ruslar üçün heç bir dəyişiklik elan etməyib. Adada olan turistlərimizdən alınan məlumata görə, vizalar hələ də pulsuz verilir.

Qeyd edək ki, ötən ilin aprelində VFS Global adlı özəl Hindistan şirkəti turist vizası vermək hüququnu aldı. Amma bu sistem narazılıq yaradıb. 2024-cü ilin avqustunda Şri Lankanın Ali Məhkəməsi bu sahədə kommersiya xidmətlərini dayandırmaq qərarına gəlib. Lakin İmmiqrasiya Departamenti əvvəlki sistemi saxladı. Yeni hökumət VFS Global-a qarşı iş başladıb və müqaviləni ləğv edib.