Əli Kərimli artıq boşboğazlıqla məşğuldur

AXCP sədri Əli Kərimlinin siyasi fəaliyyəti sosial şəbəkələrdə boşboğazlıq etməkdən, Azərbaycan dövlətinə və xalqına böhtanlar yağdırmaqdan  o yana keçmir. Belə ki, o, xaricdə məskunlaşaraq Azərbaycana qarşı böhtan kampaniyaları aparan Qənimət Zahidin «Azərbaycan saatı» «yootube» kanalında mənasız- məntiqsiz danışmaqla baş girləyir. Ona görə də AXCP sədrinin bütün siyasi fəaliyyəti stəkanda fırtına yaradacaq qədər dəyərsizdir. Onun son statusu isə daha gülməli və ikrah doğurandır. Yəqin ki, mövzu qıtlığındandır ki, indi də o, uzaq Banqladeşdən yazır: «Daha bir xalq avtoritarizm üzərində qələbəsini qeyd edir. Banqladeş tələbələrinin hökumət əleyhinə hərəkatı bir neçə həftəlik gərgin, qanlı mübarizədən sonra qələbə ilə nəticələndi. Bu ilin yanvarında 4-cü dəfə baş nazir seçilmiş Hasina vertalyotla Hindistana qaçıb canını güc - bəla ilə qurtardı. Ancaq atasının (Banqladeşin prezidenti olub) heykəllərini özü ilə apara bilmədi. Nümayişçilər heykəlləri sökməklə və rejim üzərində qələbələrini qeyd etməklə məşğuldur.»

Ondan soruşmaq lazımdır ki, Banqladeşin dərd- səri sənəmi qalıb? Görünür, aşığın sözü qurtaranda «neynim-neynim!» dediyi kimi, Əli Kərimlinin də mövzusu qurtaranda uzaq və  ac- yalavaclar ölkəsi Banqladeşdən danışmağa güc verib.

Ümumiyyətlə, bütün siyasi fəaliyyətini dövlətinə və xalqına qarşı düşmənçilik üzərində quran AXCP sədri Əli Kərimli hələ də ölkəmizə yönəlik ən sərt və antimilli mövqe sərgiləməkdən çəkinmir. 1991-1993-cü illərdə ölkəni təhlükəli böhrana sürükləyən AXC-Müsavat hakimiyyətində yüksək postda təmsil olunmuş, vəzifəsini itirdikdən sonra isə dağıdıcı müxalifətçilik yolu tutmuş Əli Kərimli və yaxın ətrafı buraxdıqları səhvlərdən nəticə çıxarmaq əvəzinə  antimilli, qeyri-konstruktiv fəaliyyətlərini davam etdirməklə siyasi səhnəni zəbt etməyə çalışırlar. Əslində Əli Kərimlinin qorxaq, cəsarətsiz, pula həris, öz mənafeyini milli maraqlardan üstün tutan, mənsub olduğu düşərgəni belə siyasi iddiaları naminə istismar edən birisi olduğu heç kimə sirr deyil. Son 20 ildə o, xarici fondlardan verilən pulları partiyasına deyil, məhz ailə problemlərinə xərclədiyi üçün partiyadan yüzlərlə üzv istefa vermişdir. Məhz belə bir xaraktersizin bu gün güclü və qüdrətli Azərbaycan dövlətinə və onun ali rəhbərinə qısqanclıqla yanaşması, ölkəmizə əleyhinə böhtan kampaniyaları aparması bu antimilli ünsürün sosial şəbəkələrdəki statuslarından da aydın şəkildə görünür.

Bəli, bu  gün bütün Azərbaycan və onun dostları rəşadətli ordumuzun Müzəffər Ali Baş Komandanımız, Prezident İlham Əliyevin rəhbərliyi ilə İkinci Qarabağ müharibəsini tarixi Zəfərlə başa vurmasını, bu prosesin davamı olaraq 2023-cü ilin sentyabrın 20-də isə  Qarabağ iqtisadi rayonunda  separatçı-terrorçulara qarşı həyata keçirdiyi bir günlük lokal antiterror tədbirləri nəticəsində  xuntanın birdəfəlik məhv edilməsini bayram edərkən  bu adam hələ də dağıdıcı müxalifətçilik oyunları ilə baş qatır. Onun antimilli xislətinə rəğmən bildirmək istəyirik ki,  Xocalı soyqırımının 32-ci ildönümündə Ali Baş Komandan xocalılarla birgə şəhidlərimizin xatirəsini  məhz erməni vandallarından təmizlənmiş Xocalıda yad edib. Bu, bir tarixi hadisədir. Lakin Əli Kərimli kimi antmilli ünsürlər bu tarixi hadisədən qürurlana bilmirlər. Ona görə ki, mayaları şər və böhtanla yoğrulub.

Görünən odur ki, daxildə Əli Kərimli və dəstəsi, xaricdə isə ermənipərəst  qüvvələr  böhtan və «qara piar» kampaniyaları ilə ətrafımızda hörümçək toru qurmağa çalışırlar ki, növbəti uğurlarımızı qaralasınlar. Ən acınacaqlısı isə odur ki, onun Azərbaycanın geosiyasi uğurlarına qısqanclıqla yanaşması adi haldan çıxaraq kin-küdurət püskürmək həddinə çatıb.

Qeyd edək ki, o, statuslarında mövcud iqtidarı dəfələrlə «rejim» adlandırmaqla açıq-aşkar ermənilərin çaldığı havaya oynayır. Məğlub və aciz haylar da bu gün dünyaya Əli Kərimli kimi böhtan püskürərək qanuni Azərbaycan hakimiyyətini «rejim» adlandırırlar. Bununla da dövlətimizin demokratik imicinə, qalib və qətiyyətli xarakterinə kölgə salmağa çalışırlar.

Bəli,  Müzəffər Ali Baş Komandan İlham Əliyevin  bu gun nəinki ölkəmizdə,  hətta dünyada artan nüfuzu  Əli Kərimlini və ətrafını ciddi şəkildə narahat edir. Əli Kərimli bununla bir daha təsdiq etmiş olur ki, o, cənab İlham Əliyev kimi uca çinarın kölgəsində itib- batan bir siyasət dəllalıdır. Bu adamın ən böyük bədbəxtliyi odur ki, sadəcə qaragüruhçudur, avantüristdir və milli hisslərdən uzaqdır.  Hazırda AXCP-də hökm sürən antidemokratik durum partiyadakı siyasi mühiti də tamamilə iflic edib. Ona görə də partiyanı tərk edənlər etməyənləri əbləh və gerizəkalı qocalar yığnağı da adlandırırlar. O da məlumdur ki, nə qədər ki, AXCP-də Əli Kərimli diktaturası mövcuddur, bu partiyadan ciddi və dəyərli bir fəaliyyət gözləməyə də dəyməz. Çünki onlar hələ də çağdaş dünyanın inkişaf dinamikası ilə ayaqlaşmağı bacarmırlar. Yəni, burada yeni söz, yeni fikir, yeni dünyagörüşü sıfır səviyyəsindədir.

Artıq 23 ildir ki, AXCP-nin sədri postunu zəbt edən bu özündənrazı  «siyasətçi» imkan vermir ki, oradakı gənclərdən biri irəli çıxıb siyasi fəaliyyətində fərqlənsin. Bəli, bu gün Əli Kərimli nəinki AXCP-ni, ümumilikdə dağıdıcı müxalifəti inhisarına alıb. O, bu düşərgədə haqq söz deyənləri, konstruktif müxalifətçiliyə meyil edənləri sıxışdıraraq elə bir aciz duruma salır ki, onlar da ya partiyadan, ya da ki, ölkədən çıxıb gedirlər.

Elçin Zaman, «İki sahil»