Avqustun 1-i Azərbaycan əlifbası və Azərbaycan dili günü kimi qeyd edilir. Bu əlamətdar gün Ümummilli Lider Heydər Əliyevin 2001-ci il 9 avqust tarixli fərmanına əsasən təsis edilib. Ulu öndər həmin fərmanı latın qrafikalı Azərbaycan əlifbasına keçidin ölkədə 2001-ci ilin avqustunda bütövlükdə təmin edildiyini və yeni əlifbadan istifadənin müstəqil Azərbaycanın ictimai -siyasi həyatında ,yazı mədəniyyətinin tarixində mühüm hadisə olduğunu nəzərə alaraq imzalayıb.Qədim və zəngin mədəniyyətə malik Azərbaycan xalqı dünya sivilizasiyasına xeyli dəyərli töhtələr verib. Tarixi faktlar sübut edir ki , zaman-zaman xalqımız müxtəlif əlifbalardan istifadə edib.
Buna biz misal olaraq ərəb əlifbasını göstərə bilərik. XIX əsrin II yarısında M.F.Axundov başda olmaqla maarifçi ziyallılar əlifba islahatı keçirilməsini məqsədə uyğun olduğunu qəbul etdilər. XX əsrin əvvəllərində mövcud əlifbanı daha münasibi ilə əvəz etmək ideyasını ortaya atmışdır. 1922-ci ildə Azərbaycan hökuməti yeni əlifba komitəsi təşkil etdi. Bu latın qrafikalı əlifbaya keçirilməsi üçün atılmış ilk ciddi addım oldu. 1929-cu il yanvarın 1-dən latın qrafikalı əlifba tətbiq edildi. 1940-cı ilin yanvarın 1-də kiril yazısı əsasında tərtib edilmiş yeni əlifba ilə əvəz olundu.
Azərbaycan əlifbası kimi dilinin rəsmi dövlət dili statusu alması, beynəlxalq münasibətlər sistemində dünya diplomatiyasına yol açması məhz Ulu Öndər Heydər Əliyevin adı ilə bağlıdır. 1978-c il SSRİ hökumətinin ciddi narazılığına baxmayaraq Azərbaycan SSRİ -nin Konstitusiyasına Azərbaycan dilinin dövlət dili olması barədə maddə daxil edilmişdir. Müstəqil Azərbaycan Respublikasının Konstitusiyasında xalq referendum vasitəsilə dövlət dilinin Azərbaycan dili olduğunu təsdiq etdi.
Ulu Öndər Heydər Əliyevin azərbaycançılıq ideyasının formalaşması yolunda misilsiz xidməti olmuşdur. Azərbaycan dili Azərbaycan Respublikasının dövlət dili və Azərbaycanda yaşayan müxtəlif xalqların əsas ünsiyyət vasitəsidir.
Sevda Bağırova,
Elşad Yəhyayev adına 56 N-li tam orta məktəbin tarix müəllimi,
YAP Xətai rayon təşkilatının üzvü