Uzun illərdir Ermənistanın birmənalı olmayan siyasətinin şahidi oluruq

Azərbaycan ilk növbədə böyük beynəlxalq tədbriə ev sahibliyi etmək hüququndan istifadə edərək, digər ölkələr kimi öz qonşusu Ermənistana bu istiqamətdə dəvət göndərib. Yəqin ki, Nikol Paşinyan yaxın dövrlərdə Ermənistanın bu mövzuda qərarını açıqlayacaq.

“İki sahil” xəbər verir ki,  bunu Arb24-ə açıqlamasında Trend BİA-nın direktor müavini, siyasi şərhçi Sahil Kərimli deyib.

O qeyd edib ki, Paşinyanın özü gələcək mi, Ermənistanın digər dövlət qurumlarının rəsmi şəxsləri bu tədbirdə iştirak edəcək mi?... Bu barədə proqnoz səsləndirmək bir qədər çətindir. Çünki, Ermənistanın sözü ilə əməli heç zaman uyğun gəlməyib:

"Biz uzun illərdir Ermənistanın birmənalı olmayan siyasətinin şahidi oluruq. N.Paşinyan hansı üzlə Azərbaycana gələ bilər? Son günlərə qədər o, Azərbaycanla sülh müqaviləsi imzalamağa hazır olduğunu bəyan edir. Amma Londonda keçirilən beynəlxalq tədbirdə Azərbaycan Prezidenti İlham Əliyevlə görüşdən imtina edir. Biz bunu necə qiymətləndirə bilərik? Ümumiyyətlə Ermənistanın qeyri-konstruktiv mövqeyinin şahidi oluruq. Azərbaycan son dövrlərdə nəyin bahasına olursa olsun çalışır ki, Ermənistanla qonşuluq münasibətlərini inkişaf etdirsin, sülh müqaviləsi imzalansın", - deyə o bildirib.

Videomüsahibəni təqdim edirik: