Hər şey Massimiliano Alleqrinin yayda "Yuventus"un baş məşqçi postunu tərk edərək, yerini başqa mütəxəssisə verəcəyinə doğru gedir.
“İki sahil” xəbər verir ki, artıq "qoca sinyora"nın yeni məşqçisi də bilinir.
Bu barədə jurnalist Daniele Longo informasiya yayıb. Xəbərə görə, Turin klubu Tyaqo Motta ilə prinsipial anlaşıb., "Yuventus" Mottanı taktiki ideyalarına və gənc oyunçuların inkişafına görə yüksək qiymətləndirir.
Tyaqo Motta hazırda "Bolonya"ya başçılıq edir. Komanda A Seriyasının turnir cədvəlində dördüncü yerdədir və Çempionlar Liqasına vəsiqə qazanmaq şansına malikdir.
