Məşhur futbolçu Lionel Messinin formasını geyindiyi "İnter Mayami" noyabrda Çinə səfər edəcək.
“İki sahil” xəbər verir ki, bu barədə “Mundo Deportivo” məlumat yayıb. Səfər zamanı MLS təmsilçisi yerli komandalarla 2 yoldaşlıq görüşü keçirəcək.
Bildirilir ki, Martinonun komandası "Qinqdao Hainiu" və "Çenqdu Ronqçenq"lə qarşılaşacaq.
Xatırladaq ki, bundan əvvəl oktyabrın 8-də “İnter Mayami” MLS matçında “Cincinnati”yə 0:1 hesabı ilə uduzub. Yeganə qolu 78-ci dəqiqədə argentinalı müdafiəçi Alvaro Barreal vurub. Bu məğlubiyyətdən sonra Mayami komandası turnirin pley-off mərhələsinə çıxmaq üçün nəzəri şanslarını da itirib.
