Azərbaycan futzal millisi bu gün dünya çempionatının elit mərhələsində ikinci oyununa çıxıb.

“İki sahil” xəbər verir ki, Vitali Borisovun rəhbərlik etdiyi komanda Niderlandla qarşılaşıb. Bakı İdman Sarayında keçirilən oyun rəqibin 4:2 hesablı qələbəsi ilə başa çatıb.  Azərbaycan millisinin qollarını Sabir Allahquliyev və Orxan Məmmədov vurublar.

Qeyd edək ki, Azərbaycan millisi ötən gün Türkiyəni məğlub etmişdi. Sentyabrın 21-də isə rəqib İsveçrə yığması olacaq.