"Mançester Siti"nin baş məşqçisi Xosep Qvardiola klubun düşərgəsinə qayıdıb. 

“İki sahil” xəbər verir ki, bu barədə klubun mətbuat xidməti məlumat yayıb.

52 yaşlı mütəxəssis avqustun 22-də belindən əməliyyat olunaraq sağalıb. Bu səbəbdən o, İngiltərə Premyer Liqasında komandasının iki matçını buraxıb.

O da qeyd olunub ki, Qvardiola qayıtdıqdan sonra artıq ilk məşqini keçirə bilib.

Dörd turdan sonra “Mançester Siti” maksimum 12 xalla Premyer Liqanın turnir cədvəlinə başçılıq edir. Komanda növbəti oyununu sentyabrın 16-ı səfərdə “Vest Hem”ə qarşı keçirəcək.