2021 –ci il 15 iyun Milli Qurtuluş Günü  Azərbaycanda fərqli bir ab-havada qeyd edildi. Torpaqlarımızın işğaldan azad edilməsindən, ədalətin bərpasından sonra ilk dəfə dövlətçilik tariximizin Şanlı səhifəsi olan Milli Qurtuluş Gününü Zəfər ruhunda azad Qarabağda, azad Şuşada qeyd etdik.

2021-ci il iyunun 15-i Azərbaycan tarixində yada qalan, unudulmaz, əlamətdar bir gün kimi qalacaq. Tariximizdə ilk dəfə olaraq Azərbaycan lideri xarici dövlətin başçısını Qarabağda qarşıladı. Azərbaycan üçün  mühüm   mənəvi əhəmiyyət kəsb edən  Şuşa şəhərində Azərbaycan Respublikası ilə Türkiyə Respublikası  arasında müttəfiqlik münasibətləri  haqqında  Bəyannamənin imzalanması, sözsüz ki, gələcək tariximizin yaddaşında  mühüm  tarixi hadisə kimi həkk olundu.

Şuşa Bəyannaməsinin məhz Azərbaycan xalqının Qurtuluş günü –15 iyun  tarixinə və Qarabağ, Zəngəzur üçün çox vacib sayılan  Qars müqaviləsinin 100 – cü ildönümünə təsadüf  etməsinin xüsusi rəmzi mənası var.Hal- hazırda  ABŞ ,Rusiya Federasiyası, Böyük Britaniya, Fransa, İran kimi dövlətlərin  açıq mübarizəsi  müşahidə olunmaqdadır.Bu mübariz Azərbaycanın  xeyrinə və maraqlarına uyğun cərəyan edir. Şusada Türkiyə lideri ilə Bəyannamə imzalayarkən  Azərbaycanın dövlət başçısı hər kəsin  yadına Qars müqaviləsini saldı. O qeyd etdi ki,Tarixi  Qars  müqaviləsi düz 100 il əvvəl imzalanıb. Bu  da böyük rəmzi məna daşıyır. Yüz ildən sonra azad edilmiş Şuşada müttəfiqlik haqqında imzalanmış birgə Bəyannamə bizim gələcək işbirliyimizin  istiqamətini göstərir.Bəyannamədə bir çox önəmli məsələlər öz əksini tapdı. Beynəlxalq  müstəvidə birgə əməkdaşlıq,fəaliyyətimiz, siyasi əlaqələr, iqtisadi ticarət əlaqələri, mədəniyyət, təhsil, idman, gənclər siyasəti, demək olar ki, bütün sahələr əhatə olunur.

 Cənub Qaz Dəhlizinin Türkiyə, Azərbaycan  dünya üçün önəmi göstərlir.Prezident İlham Əliyev və Prezident Rəcəb Tayyib Ərdoğan tərəfindən imzalanmış Şuşa Bəyannaməsi bütün  dünyanın  barışmalı olduğu tarixi gercəklikdir. Hər iki ölkənin ümumi maraqlarının qorunmasında  imkanların birləşdirilməsinə, eləcə də  müştərək maraq kəsb edən regional və beynəlxalq strateji  mərhələlərdə fəaliyyətlərinin qarşılıqlı şəkildə əlaqələndirilməsinə istiqamətlənən saziş Bakı və Ankaranın başçılığı altında yeni regional məsəllələrin həll olunmasının başlanğıcıdır.

Azərbaycan və Türkiyə arasında imzalanmış Şuşa Bəyannaməsi iki ölkə arasında münasibətlərdə inqilabi gerçəklikdir. Bəyannamədə diqqəti çəkən ən vacib məqaqmlardan biri hərbi sahədə əməkdaşlıq və müttəfiqlikdir. İki dövlətin ərazi bütövlüyünə, suverenliyinə üçüncü dövlət və ya dövlətlərin təhdid və ya təcavüzu zamanı Azərbaycan və Türkiyə bir-birini qoruyacaqdır.Bu maddənin Bəyannamədə qeydə alınması bu gün Ermənistandakı  revanşist  qüvvələrdən tutmuş ayrı-ayrı qonşu və qeyri- regional dövlətlər üçün çox mühüm ismarıcdır.

Türkiyə  və  Azərbaycan arasında  Yüksək Səviyyəli  Strateji Əməkdaşlıq Şurası çərçivəsində  fəaliyyətin əhəmiyyəti  qeyd olunur. Bu Bəyannamə ilə Azərbaycanın Cənubi Qafqazda yeri və rolu daha da güclənməklə  yanaşı ,Türkiyənin  rolu,Türk  dövlətlərinin birliyi də güclənir. Türkiyə Azərbaycan münasibətlərinin  gələcəyə doğru sürətli inkişafını  özündə əks etdirir.

Beləliklə ,Azərbaycan və Türkiyə 15 iyun 2021-ci ildə tarixi addım ataraq bölgənin  geosiyasi məhzərəsini  dəyişəcək Bəyannaməyə imza atdı.

Bu Bəyannamə  Azərbaycanın  və Türkiyənin düşmənlərinə  tutarlı mesajdır.  Bu Bəyannamə Azərbaycan və Türkiyə dövlətləri  arasında  bütün sahələrdə inteqrasiyanın nümunəsidir.Ən əsası bu Bəyannamə region üçün yeni  tarixi gerçəklik  deməkdir.    

Rövşanə Hacıyeva,
Bakı şəhəri, Xətai rayonu T.Bağırov adına 59 nömrəli tam orta məktəbin tarix müəllimi,
YAP Xətai rayon təşkilatının üzvü