Xocalı soyqırımının 31-ci ildönümü ilə əlaqədar “Xocalı soyqırımı Xocalı uşaqlarının gözü ilə” mövzusunda videoçarxlar hazırlanıb.

“İki sahil” xəbər verir ki, bu barədə Diasporla İş üzrə Dövlət Komitəsi məlumat yayıb.

Belə ki, Xocalı hadisələrindən dərhal sonra azərbaycanlı rəssam Rafiq Əziz Xocalıdan olan uşaqları emalatxanasına dəvət edib və onlardan bu faciəni necə gördüklərini təsvir etməyi rica edib. Hazırda həmin əl işləri rəssamın Türkiyədəki emalatxanasında saxlanılır.

Dövlət Komitəsi rəssamın razılığı ilə həmin rəsmlərdən videoçarxlarda istifadə edib.