Bu gün futbol üzrə Misli Premyer Liqasında XVII tura yekun vurulacaq.

“İki sahil” xəbər verir ki, turun son oyununda "Neftçi" "Turan Tovuz"un qonağı olacaq.

Hazırda "ağ-qaralar" 32 xalla 3-cü, bölgə klubu isə 16 xalla 6-cı pillədə qərarlaşıb.

Komandalar indiyədək ölkə çempionatında cəmi 1 dəfə qarşılaşıblar. Cari mövsümün I dövrəsinə təsadüf edən qarşılaşmada hesab açılmayıb.

Misli Premyer Liqası

XVII tur

15 dekabr (cümə axşamı)

14:30. “Turan Tovuz” – “Neftçi”
Hakimlər: Əliyar Ağayev, Elşad Abdullayev, Müslüm Əliyev, Rəşad Əhmədov
Hakim-inspektor: Feyzulla Feyzullayev
AFFA nümayəndəsi: Məmmədəli Məmmədov
Tovuz şəhər stadionu.

Qeyd edək ki, turun əvvəlki oyunlarında "Zirə" Şamaxıda eyniadlı komanda ilə qolsuz heç-heçə edib, "Qarabağ" "Qəbələ"yə 1:0, "Sumqayıt" "Səbail"ə 2:0 hesabı ilə qalib gəlib, "Sabah" isə Gəncədə "Kəpəz"lə məhsuldar sülhə razılaşıb - 2:2.