“Futbolçularım təbrik edirəm, yaxşı oynadıq. Bu, əla nəticədir. Bütün matç ərzində mübarizə apardıq və mükafatlandırıldıq".

“İki sahil” xəbər verir ki, bu sözləri Xorvatiya millisinin baş məşqçisi Zlatko Daliç DÇ-2022-nin 1/8 finalında Yaponiyaya qalib gəldikləri oyundan (əsas vaxt - 1:1, penaltilər seriyası - 3:1) sonra deyib.

"Bu, mənə Rusiyada keçirilən dünya çempionatında yaşadıqlarımızı xatırlatdı. İlk hissədə oyuna nəzarət etdik, iki-üç əks-hücum bizi əsəbiləşdirdi. Sonra qol buraxdıq və özümüzü toparlamağa məcbur olduq. Yaponlar bizimlə matçın asan olacağını düşünürdülər, Xorvatiyanı düzgün qiymətləndirmədilər. Sona qədər irəliləyirik. Futbolçular yenə əzm və inam nümayiş etdirdilər" - deyə o bildirib.

Qeyd edək ki, Xorvatiya Rusiyada keçirilən DÇ-2018-də finala kimi yüksəlib. Komanda həlledici görüşdə Fransaya 2:4 hesabı ilə uduzub.