“Qarabağ”ın futbolçusu Kevin Medinanın Ağdam klubunda qalmasının səbəbi bəlli olub.

“İki sahil” xəbər verir ki, bunu Ağdam təmsilçisinin baş məşqçisi Qurban Qurbanov açıqlayıb.

O bildirib ki, kolumbiyalı müdafiəçinin özü Azərbaycanda qalmaq istəyib. Cənubi amerikalı Türkiyədən təklif alıb. Lakin Medina bu təklifi qəbul etməyib.

O, ölkəmizə öyrəşdiyini əsas gətirərək burada qalmağa üstünlük verib. Klub rəhbərliyi də Kevinin xidmətində maraqlı olduğundan onunla yeni müqavilə imzalanıb.

Qeyd edək ki, Medina 2020-ci ilin yayından “Qarabağ”ın şərəfini qoruyur.