Mövsümün sonunda "Qalatasaray"dan ayrılacaq ilk futbolçu bəlli olub.

“İki sahil” xəbər verir ki, əlcəzairli yarımmüdafiəçi Sofyan Fequli komandadan gedəcəyini açıqlayıb.

Bununla bağlı İnstaqram səhifəsində paylaşım edən futbolçu "Qalatasaray"da keçirdiyi 5 mövsümə görə klub rəhbərliyinə, futbolçulara və məşqçilər heyətinə təşəkkürünü bildirib.

Qeyd edək ki, 33 yaşlı futbolçu 2017-ci ilin yayında "Vest Hem"dən "Qalatasaray"a keçmişdi.