"Liverpul" Premyer Liqada yeni uğura imza atıb. 

"İki sahil" "Opta"ya istinadən xəbər verir ki, bu, ötən gecə çempionatın 37-ci turunda "Aston Villa" ilə görüşə (2:1) təsadüf edib. "Liverpul"un qələbə qollarından birini də Sadio Mane vurub. Nəticədə o, bu mövsümdə imza atdığı qollarının sayını 15-ə çatdırıb. Daha əvvəl belə nəticəni Dieqo Yota (15 qol) və Məhəmməd Salah da (22 qol) göstərib. Beləliklə, "Liverpul" Premyer Liqada 3 futbolçusu 15 və daha çox qol vuran 2-ci komanda olub.

Bunu ilk dəfə "Mançester Siti" bacarıb. 2013/2014 mövsümündəYaya Ture, Serxio Aquero və Edin Dzeko 15 və daha çox qol vurmuşdu.

Qeyd edək ki, "Liverpul" hazırda 86 xalla Premyer Liqada 2-ci yerdədir. Turnir cədvəlinə başçılıq edən “Mançester Siti” də 86 xal toplayıb. Lakin onların ehtiyatda bir oyunu da var.