Azərbaycanın cənub qapısı sayılan Astarada  Ulu Öndər Heydər Əliyevin anadan olmasının 99-cu ildönümü  münasibətlə silsilə tədbirlər ara vermir. Belə  tədbirlərdən biri  Astara Dənizkənarı Park Bulvar Kompleksində baş tutdu. Belə ki, burada Astara Rayon İcra Hakimiyyəti, YAP Astara rayon təşkilatı, rayon Gənclər və İdman İdarəsi, rayon Təhsil şöbəsi ilə birgə məktəblilər arasında kross qaçışı üzrə  Astara rayon çempionatı keçirildi.

Tədbirin açılış mərasimində çıxış edənlər yarışın məqsədini açıqladılar. Bildirildi ki,   görkəmli dövlət xadimi və Ümummilli Lider Heydər Əliyevin xatirəsinin yad edilməsi, yeniyetmə və gənclər arasında sağlam həyat tərzinin təbliği, idmançıların fiziki hazırlıq səviyyələrinin yüksəldilməsi, Atletika idman növünün kütləviliyinin inkişaf etdirilməsi, asudə vaxtın səmərəli təşkili əsas götürülüb.    

Yarışda 9 komanda- Astara şəhər 1, 2, 3, 4, 5, 6, 7 saylı, Suparıbağ və Şüvi kənd tam orta məktəblərin komandalarını təmsil edən 54 nəfər idmançı öz gücünü ortaya qoydu. Qızlar 400 metr, oğlanlar isə 800 metr  məsafəyə qaçışda   mübarizəyə qoşuldular. Astara şəhər 1 saylı tam orta məktəbini təmsil edən Leyla Həsənli finiş xəttini birinci keçdi. Astara şəhər 7 saylı tam orta məktəbinin şagirdi  Zeynəb Rzayeva yarışın ikincisi oldu. Üçüncü yeri  isə  Şüvi kənd tam orta məktəbinin şagirdi  Dinarə Mahmudova qazandı. 800 metr məsafəyə oğlanlar arasında qaçışda I yerə Astara şəhər 2 saylı tam orta məktəbinin şagirdi Rüfət Məmmədov, II yerə  Suparıbağ kənd tam orta məktəbindən Məhəmməd Məmmədov, III yerə Astara şəhər 3 saylı tam orta məktəbinin şagirdi Ramazan Əlizadə  layiq görüldülər.

Gərgin mübarizə şəraitdə keçən yarış başa çatandan sonra qaliblər mükafatlandırıldı.  Fəxri yerləri  görə  idmançılara diplom, medal və hədiyyələr verildi.  

Zəfər Orucoğlu,
Azərbaycan Jurnalistlər Birliyinin üzvü