Bu gün futbol üzrə Azərbaycan Premyer Liqasında XXV tura yekun vurulacaq.

“İki sahil” xəbər verir ki, son oyun günündə 2 görüş keçiriləcək.

Günün ilk matçında avrokuboklara vəsiqə uğrunda mübarizə aparan "Zirə" və "Qəbələ" komandaları üz-üzə gələcəklər. Hazırda "qartallar" 42 xalla 3-cü, "qırmızı-qaralar" isə 35 xalla 4-cü pillədə qərarlaşıb. Paytaxt təmsilçisi qalib gələcəyi halda avrokuboklara vəsiqəni təmin edəcək.

Tura Sumqayıtda yekun vurulacaq. 15 xalla 7-ci sırada yer alan şəhərin eyniadlı təmsilçisi 47 xalla 2-ci yerdə qərarlaşan "Neftçi"ni qəbul edəcək.

Azərbaycan Premyer Liqası

XXV tur

4 may

17:45. "Zirə" - "Qəbələ"

Hakimlər: Rəşad Əhmədov, Eyyub İbrahimov, Müslüm Əliyev, Rəvan Həmzəzadə

Hakim-inspektor: Ömər Paşayev

AFFA nümayəndəsi: Maşallah Əhmədov

Zirə İdman Kompleksinin stadionu.

20:00. "Sumqayıt" - "Neftçi"

Hakimlər: Kamal Umudlu, Rəhman İmami, Kamran Bayramov, Elçin Məsiyev

Hakim-inspektor: Babək Quliyev

AFFA nümayəndəsi: Asif Əliyev

"Kapital Bank Arena".

Qeyd edək ki, ilk oyun günündə "Şamaxı" evdə "Səbail"ə qolsuz, "Qarabağ" isə "Sabah"la 1:1 hesablı heç-heçə edib.